Bulan Kepangan

Bulané katadah

Mawangsit mapangarah

Manut tutur anaké odah

Tektekin i sarwa taru
Mangda mabuah sami mupu

Kepangan purnamaning sadha

Ning nirmala nyuciang Tri Kaya

Pamarisuda sarwa mala

                       (Ki Jugul)

                      

Pedoman Umum Ejaan Bahasa Bali dengan Huruf Latin

Pedoman Umum Ejaan Bahasa Bali dengan Huruf Latin unduh sané kamedalang oli Balai Bahasa Provinsi Bali warsa 2013 dados unduh ring link puniki Pedoman Umum Ejaan Bahasa Bali dengan Huruf Latin

Sinérgi Tri Pusat Pendidikan Sajeroning Ngwangun Merdéka Belajar

Manut podcats (siniar) Mendikbudristék Nadiém Makarim sareng Bapak Présidén Jokowi sajeroning mikélingin Hari Pendidikan Nasional 2021, inggih punika program Merdéka Belajar jagi katincapang miwah kalimbakang mangda pendidikan ring Indonesia sayan becik. Lian ring punika taler kawedarang indik pembelajaran tatap muka (PTM) terbatas sané jagi kalaksanayang ring tahun pelajaran anyar, bulan Juli sané jagi rauh. Paplajahan durung kadadosang sakadi sekolah normal, nénten wénten ékstrakurikulér. Sekolah kicén nglaksanayang PTM pinih akéh wantah 50%. Mawinan kantun tatap muka terbatas, dadosné para sisia kantun malajah saking jumah.

Pembelajaran jarak jauh (PJJ) sané sampun mamargi kirang langkung awarsa gumanti durung prasida mamargi becik, akéh metu pikobet. Akéh sisia nénten gumana malajah, nénten ngirim tugas. Sané pinaka dadalan saking para sisia wantah kuota nanging kasujatiané akéh para sisia madué kuota nangih mayus malajah, seneng main game online timbang ngwacén materi utawi malajah daring miwah makarya tugas-tugas. Malajah luring ring jero saong-soang taler nénten gumana.

Pikobet ring ajeng patut iraga kayunin sareng-sareng utawi karerehang pamargi mangda paplajahan sané jagi rauh prasida mamargi sayan becik. Pinaka pamargi wantah nincapang malih sinérgi Tri Pusat Pendidikan sané kawedarang olih Ki Hajar Dewantara. Tri Pusat Pendidikan inggih punika pendidikan ring sekolah sané kaemban olih guru, pendidikan ring keluarga sané kaemban olih guru rupaka utawi rerama para sisia, miwah pendidikan ring pakraman sané kaemban olih i krama. Niki mangda mamagi sinarengan pinaka dasar ngwangun Merdéka Bélajar.

Guru madué swadarma nglimbakang karakter miwah kaweruhan para sisia nganutin panglimbak téknologi ring sekolah. Guru ngemban sisia mangda madué karakter, kaweruhan, miwah keterampilan mangda benjangan prasida katampi ring dunia kerja. Nanging, guru nénten prasida ngemban para sisia paragaan. Napi malih kawéntenan sakadi mangkin sajeroning PJJ para sisia akéhan galahné ring jero soang-soang sareng i rerama taler ring lingkungan masyarakat.

Pendidikan ring keluarga pinaka pendidikan sané pertama miwah utama. Guru rupaka patut ngajahin indik tata susila, ajah-ajahan agama, ngajahin pendidikan dasar, saha ngemban panglimbak émosional pianak. Ring PJJ sakadi mangkin rerama mangda setata ngwangun komunikasi sareng i pianak, mikélingin mangda setata malajah, sakadi nakénang program sekolah, miwah tugas-tugas sekolah. Tetujoné mangda uning panglimbak pendidikan taler uning pikobet i pianak.

Genah malajah para sisia nénten ja tuah ring sekolah. Manut Ki Hajar Dewantara makasami genah punika kabaos sekolah, makasami jadma kabaos guru. Niki mawinan lingkungan masyarakat mabuat pisan kawentenané sajeroning panglimbak para sisia. Lingkungan masyarakat pinaka genah para sisia nglimbakang kaweruhan sosial émosional. Lingkungan sané kaon pacang ngiusin para sisia malaksana sané kaon utawi nénten becik. Antuk punika, krama patut ngicénin pendidikan moral ring para sisia. Krama patut ngicenin tetuladan sané becik.

Sajeroning ngwangun Merdeka Belajar nenten prasida wantah sangkaning pendidikan ring sekolah. Guru rupaka miwah krama sapatutné mamargi sareng-sareng, madué pikayun sané pateh manut sakadi unteng/tema Hardiknas 2021 ‘Serentak Bergerak, Wujudkan Merdéka Belajar’.

Sumber gambar: siapbelajar.com

Soroh Bebaosan Mabasa Bali

Soroh Bebaosan Mabasa Bali

Wénten makudang-kudang soroh bebaosan nganggén basa Bali alus sané wangunnyané masaih ring pidarta nanging tetujon bebaosané mabinaan. Ring sor puniki jagi katlatarang wastan bebaosan nganggé basa Bali.

1. Pidarta

Pidarta utawi pidato wantah bebaosan sane dagingnyané umum nénten ngenénin indik daging-daging ajahan agama. Sakadi, pidarta Bapak Gubernur Bali sajeroning acara Pésta Kesenian Bali. Imba téks pidarta: teks pidarta indik Narkoba

2. Darma Wacana

Bebaosan mabasa Bali sane dagingnyané indik ajahan agama, sakadi indik bebantenan, daging Wéda, utawi brata panyepian, miwah sane lianan. Darma wacana pateh tekéning khotbah, siraman rohani, ceramah keagamaan. Imba téks darma wacana: Darma Sedana

3. Sambrama Wacana

Sambrama wacana utawi kata sambutan inggih punika bebaosan sane kawedar pinaka panyanggra sajeroning acara utawi pinaka panyanggra tamiu sajeroning upacara adat utawi agama. Imba sambrama wacana sakadi sambrama wacana Bapak Kepala Sekolah ring acara pacentokan ngwacen puisi sajeroning mikélingin wanti warsa sekolah, panyanggra sang madué karya ring uleman, atur panyanggra Bapak Prebekel ring lomba desa.

4. Atur Puining

Atur piuning pateh tekéning laporan. Atur piuning wantah bebaosan sané dagingnyane ngwedarang kawéntenan acara utawi karya sané kalaksanayang. Contoné sakadi atur piuning manggala karya wanti warsa sekolah. Atur piuning puniki madaging bantang-batang acara (kegiatan) sané kalaksayanang, akéh béa sané kabuatang utawi katelasang, pikolih acara utawi karya sané sampun kalaksanayang.

5. Darma Tula

Darrma tula mateges pabligbagan (diskusi) indik ajahan agama.

6. Darma Santi

Darma santi pinaka pahan acara Nyepi. Bebaosan ring Darma santi sané kalaksanayang sausan Nyepi matetujon ngrumaketang pasemetonan, nunas pangampura antuk kaiwangan sane kalaksanayang, saha ngwangun kahuripan sané santi (damai).

7. Widia Tula

Widia tula inggih punika pabligbagan indik daging-daging kaweruhan (ilmu pengetahuan).

8. Darma Suaka

Darma suaka inggih punika bebaosan sané madaging indik pasuakan (permintaan dengan hormat) utawi bebaosan sané tetujoné wénten sane kaptiang utawi katunas.

9. Sima Krama

Sima krama inggih punika pabligbagan saindik-indik kawéntenan ring pakraman. Sakadi Simakrama Gubernur Bali majeng ring para mahasisia ring Bali. Simakrama puniki mligbagang indik penampen utawi aspirasi para mahasisia.

10. Saur Pitaken

Saur pitakén pateh tekén tanya jawab.

Sumber gambar: balihbalihan.com

Game Edukasi Unsur Intrinsik-Ekstrinsik Puisi Bali Anyar

Game Edukasi Tata Cara Ngwacen Puisi Bali Anyar

Game Edukasi Blabadan

Game Edukasi Kruna Satma

Pidarta indik Narkoba

Dohin Narkoba, Ngwangun Spéndusa sané ‘Bersinar’

Om Swastyastu,
Bapak Kepala Sekolah sané mustikayang titiang
Bapak/Ibu Guru kalih pegawai sané wangiang titiang
Para sameton sisia kelas VII, VIII, miwah IX sané tresna sihin titiang

Rumasa manubagia pisan sangkaning paswécan Ida Sang Hayang Widhi Wasa prasida ngaturang pidarta ring pakeling wanti warsa SMP Negeri 2 Sawan rahina mangkin. Titiang sampun rumasa ring padéwékan titiang kantun tambet, bilih-bilih ten uning ring anggah-ungguhing basa basita nanging pangkah titiang ngaturang pidarta puniki ten bina sakadi i kunang-kunang anarung sasi, pongah ngajahin bébék nglangi.

Ring galah becik puniki titiang pinaka angga sisia kelas VIII jagi ngaturang pidarta sané mamurda ‘Dohin Narkoba, Ngwangun Spendusa sané ‘Bersinar’.

Pidarta Basa Bali

Pidarta Basa Bali

Tetujon paplajahan inggih punika mangda sisia prasida:

1. nlatarang teges pidarta basa Bali.
2. nlatarang wangun utawi struktur pidarta basa Bali.
3. nlatarang tetikesan mapidarta basa Bali.
4. nlatarang teknik mapidarta basa Bali.
5. mapidarta basa Bali nganggé téks wiadin hafalan

A. Teges Pidarta Basa Bali

    Seni ngraos nganggé basa Bali sané dados sarana ngwedarang daging pikayun tetujoné mangda sang miarsayang ngresepang utawi nglaksanayang napi sané kawedar.

Puisi Pikardin Sisia

Corona
Olih Putu Buda Sesana

Suryané sampun endag
Ling kangin terus ngawanang
Maciri lakar peteng

Latihan Soal Materi Bahasa Bali Kelas 8 Semester Genap

Materi Paplajahan: Kasusastraan Babad

Materi Paplajahan: Kasusastraan Babad

Tetujon paplajahan:
1. prasida nlatarang teges kasusastraan babad.
2. prasida ngwacén babad mabasa Bali.
3. prasida tatas uning ring daging punggelan babad mabasa Bali.

A. Kasusastraan Babad

Kasusastraan babad wantah pinaka sinalih tunggil awi-awian karya sastra sané ngranjing ring sajeroning wangun kasusastraan gancaran ring Bali. Kasusastraan babad embasnyané kirang langkung ngawit duk abad ka-16 maséhi. Babad wantah karya sastra sané madaging indik sejarah. Panadosné babad inggih punika silih sinunggil 'historiografi tradisonal'. Babad taler madaging indik kawitan/silsilah.

Kasusastraan babad taler marupa pamacanggah, uwug, usak, rug, usana, miwah paswara. Makasami punika nénten bina sakadi kasusastraan babad, sakéwanten marupa kepah-kepahan utawi canggah-canggahan saking kasusastraan babad sané madué tetujon nénten lian wantah pinaka patinget majeng ring pamargin para batara hyang lelangit soang-soang wangsa sané wénten ring Bali.

Materi Paplajahan: Basita Paribasa ring Téks Lagu Pop Bali

Materi Paplajahan: Basita Paribasa ring Téks Lagu Pop Bali

Tetujon paplajahan:
1. para sisia mangda prasida nlatarang artos basita paribasa.
2. para sisia mangda prasida nlatarang artos blabadan miwah peparikan.
3. para sisia mangda prasida ngeniang basita paribasa sane wénten ring teks lagu pop Bali.

A. Lagu Pop Bali

Lagu pop Bali wantah karya sastra, sané wangunnyané marupa puisi Bali anyar sané katembangang tur nganggé basa Bali. Ring téks lagu pop Bali wénten sané nganggén basita paribasa tetujoné mangda lagu punika sida sayan becik, lengut, nudut kayun, ri kala ka tembangang tur kapirengang. Ring sor puniki jagi katlatarang indik basita paribasa.

B. Basita Paribasa

Basita paribasa teges ipun basa rinengga utawi rerasmén wiadin panglengut basa ri kala mabebaosan utawi magegonjakan. Basa rinengga puniki sakadi piranti pacang ngamedalang daging pakayunan kalih pangarsa indik kahanan kalih laksanakan jatma sane kaimbangang ring laksanan barang wiadin buron.

Materi Paplajahan: Puisi Bali Anyar

Materi Paplajahan: Puisi Bali Anyar

Tetujon paplajahan inggih punika:
1. mangda prasida nlatarang teges puisi Bali anyar.
2. nlatarang uger-uger ngwacén puisi Bali anyar.
3. ngwacén puisi Bali anyar.

A. Teges Puisi Bali Anyar

Manut aab jagat puisi Bali Anyar kaepah dados kakalih inggih punika puisi Bali purwa miwah puisi Bali anyar. Manut kakuub kasusastraan Bali, puisi Bali anyar ngranjing ring kasusastraan Bali anyar. Puisi Bali anyar inggih punika karya sastra rikala ngametuang manah tatueké nganggén sarana basa Bali tur susunannyané kaiket nganutin kapatehan suara, wirama, wirasa, miwah kosa basa.

Puisi Bali purwa imbannyané tembang sakadi sekar raré, sekar alit, sekar madia, miwah sekar agung sané kaiket antuk uger-uger pada lingsa miwah guru lagu. Nanging, puisi Bali anyar inggih punika karya sastra sané nganggén basa Bali tur wangunnyané kaiket antuk wirama (irama), wirasa (penjiwaan), miwah kosa basa.

Materi Paplajahan: Satua Tantri

Materi Paplajahan: Satua Tantri

Tetujon paplajahan inggih punika:
1. mangda prasida ngwacén satua Tantri maksara Bali miwah aksara latin.

2. mangda para sisia tatas uning ring daging satua Tantri sané kawacén.

3. prasida ngresepang nilai-nilai moral sané wénten ring satua Tantri

A. Teges Satua Tantri

Satua utawi carita Tantri mawit saking panegara Bharata Warsa utawi India sané kawastanin Panca Tantra. Manut ring asil panyelehan olih para sujana raris ring Bali kocap katemuang makudang-kudang pustaka carita Tantri sane kasengguh Tri Tantri Uttama. Papalihan ipun sakadi:

1. Kidung Tantri Nandaka Harana sané kawangun olih Ida Padanda Nyoman Pidada sareng Ida Padanda Ketut Pidada, duk warsa ring icaka 1630 utawi 1728 maséhi. Maka kalih pangawi inucap Griyan Ida ring Gria Punia, Sidemen, Karangasém.

2. Kidung Tantri Manduka Prakarana utawi Kidung Raga Winasa kawangun oih I Gusti Made Tangeb taler saking Desa Sidemen Karangasém.

3. Kidung Tantri Pisaca Harana, kawangun olih Ida Padanda Sidemen saking Gria Intaran Sanur. Kidung punika kawangun sawatara warsa icaka 1860-1866 utawi 1938-1944 maséhi. Ring sajeroning Kidung Tantri Nandaka Harana puniki wénten munggah silih sinunggil ajahan sané kawastanin Pati Brata, inggih punika ajahan sane misaratang indik kasujatian anak istri nelebang sasanannyané ngraksa raga pinaka luh luih, anak istri motama, miwah bakti ring rerama.

Cangkit Dén Bukit

Yudané sampun ngawit

Madasar kayun sané singid

Di gumi Dén Bukit

Macentok saling cangkit

Antuk raos sané pingit

Raos nyangkit pinaka sanjata

Tuhu jati masemaya

Idup krama kerta raharja

I krama patut sayaga

Nénten ngugu sami saja

Tuna turéksa ala tinemu

Ulah aluh benyah élah

Idep suci anggé sarana

Sida panggih “Moksartham Jagadhita”

(Ki Jugul, April 2012)

Darma Wacana

Darma Sedana

Inggih suksma aturang titiang mungguing galah sané kapaica ring sikian titiang, sadurung titiang nglantur pacang matur ring ida dané sareng sami lugrayang titiang ngaturang pangastungkara.

Om Suastiastu

• Dané Jro Mangku sané maraga suci sané kapisinggihang titiang
• Bapak Kepala Sékolah sané mustikayang titiang
• Bapak/Ibu guru sané wangiang titiang
• Para sisia lanang-istri sané tresna sihin titiang

Kidung Panca Tirta

1. Saking Purwa Pancoran Selaka

Tirtania Pawitra

Tinumbuhan Tunjung Putih

2. Saking Daksina Pancoran Temaga

Tirtania Sanjiwani

Tinumbuhan Tunjung Bang

3. Saking Pascima Pancoran Emas

Tirtania Kundalini

Tinumbuhan Tunjung Kuning

4. Saking Utara Pancoran Wesi

Tirtania Kamandalu

Tinumbuhan Tunjung Ireng

5. Saking Madia Pancoran Petak

Tirtania Sudamala

Tinumbuhan Tunjung Warna

Suksma Guru

Sangkaning tuhu manah guru
Ngicénin sesuluh ri kala kapetengan
Ngajahin titiang sakancan pangweruh
Panuntun nyujuh kasujatian urip

Sangkaning tuhu manah guru

Mawastu titiang uning ring indik
Anggén ngruruh pangupa jiwa
Sida maguna ring jagat pada

Sangkaning tuhu manah titiang
Éling ring sakancan pituduh guru

Ten sida ngwales antuk arta brana

Sangkaning tuhu manah titiang
Ngaturang suksma pangacep pangastiti 

Dumogi rahayu, Guru

(Ki Jugul, Hardiknas 2021)

Ki Hajar Dewantara. Foto: kumparan.com

Gelis Ical Ten Mawali

Malané sakti ten sida kaaksi
Sakancan jagat nglimbak tan kadi-kadi
Kantos ngawinang kabrebehan gumi
Ten sida nambakin pinungkan gumi

Wénten sané ten papakéring
Campah ten ngétang grubug gering
Ri sampuné metu manah paling
Tan pariwangdé katibénin ling

Pinungkan gumi kalintang sakti
Tan ambat-ambat gumanti ngawé pati
Jadmané akéh mati tan patepi
Pinungkan gumi cihna jagat kali

Gering pakéling Sang Hyang Uning

Trikayané mangda nirmala ning

Sangkaning éling ning ngastiti

Subakti ring Ida Hyang Widi
Uripé lantang landuh sané kaapti
Dumogi gelis ical ten mawali

(Ki Jugul, Spendusa21)

Ilustrasi Virus Korona. Foto: kompas.com.

Hardiknas 2021: Sampunké Para Guru ‘Merdéka Mengajar’?

Menteri Pendidikan, Kebudayaan, Riset dan Teknologi, Nadiém Makarim, ngwetuang program Merdéka Belajar sane matetujon nincapang mutu pendidikan ring Indonésia. Nyantos mangkin Merdéka Belajar sampun wénten 10 épisode. Merdéka Belajar sané akéh kabaosang olih krama pamekas tenaga pendidik miwah kependidikan inggih punika Merdéka Belajar épisode I indik Asésmen Kompetensi Minimun (AKM) sané ngentosin Ujian Nasional (UN), épisode V indik guru penggerak, miwah sekolah penggerak pinaka program merdéka belajar épisode VII.