Sané riin wénten brahmana maparab Dang Hyang Manawa, sampun puputing kirti, kasumbung wak bajra sidi wak, uning ida ngidupang ané suba mati. Sawiréh sampun tatas antuk ida mamawosin aksarané sami. Tatkala Ida budal ka pasraman, masusupan Ida ring alas alas gunungé. Pinih jambat pamarginidané, mamanggihin bangkén macan. Kénginan kanggek pakahyunan ida tur ngandika, “Ih macan, apa krana né mati, jeneng iba kagutil baan lelipi?” asapunika baos antuk Ida Sang Resi Manawa.
Raris Ida mapahkayunan jagi ngidupang. Tumuli katiwakan dasa bayu. Acreng krura mrungut jagi nyarap. Mawacana Ida Sang Resi Manawa, “Duh cai Macan. Eda cai nyarap awaké. Awaké Sang Brahmana. Déwa sekala awaké di jagaté”. Sumaur I Macan, “Titiang ring Ida Sang Brahmana, wiréh wénten panugrahan déwa ring titiang mangsa manusa”. Wau sapunika pajaripun, raris ipun nyarap. Dadianya lina Sang Resi Manawa kabaksa antuk I Macan. Niskarya pisan buat sih piwelasanidané, tan uning buat nguna karayang. Sing ja buwungan lakar kataman pakéweh. Asapunika pajarnya Ni Wanari nuturang buat kajelékan macané.
Kaketus saking pupulan satua Tantri mamurda Ni Dyah Tantri olih I Madé Pasek
Tidak ada komentar:
Posting Komentar