Materi Paplajahan: Basita Paribasa ring Téks Lagu Pop Bali
Tetujon paplajahan:
1. para sisia mangda prasida nlatarang artos basita paribasa.
2. para sisia mangda prasida nlatarang artos blabadan miwah peparikan.
3. para sisia mangda prasida ngeniang basita paribasa sane wénten ring teks lagu pop Bali.
A. Lagu Pop Bali
Lagu pop Bali wantah karya sastra, sané wangunnyané marupa puisi Bali anyar sané katembangang tur nganggé basa Bali. Ring téks lagu pop Bali wénten sané nganggén basita paribasa tetujoné mangda lagu punika sida sayan becik, lengut, nudut kayun, ri kala ka tembangang tur kapirengang. Ring sor puniki jagi katlatarang indik basita paribasa.
B. Basita Paribasa
Sane ngranjing basita paribasa inggih punika:
1. Sesonggan (Pepatah)
2. Sesenggakan (Ibarat)
3. Wewangsalan (Tamsil)
4. Sloka (Bidal)
5. Bladbadan (Bidal)
6. Papindan (Perumpamaan)
7. Cecimpedan (Teka-teki)
8. Cecangkriman (Syair teka-teki)
9. Sesimbing (Sindiran)
10. Cecangkitan
11. Peparikan (pantun)
Ring paplajahan puniki sané jagi kabaosang inggih punika blabadan miwah peparikan.
Basita paribasa teges ipun basa rinengga utawi rerasmén wiadin panglengut basa ri kala mabebaosan utawi magegonjakan. Basa rinengga puniki sakadi piranti pacang ngamedalang daging pakayunan kalih pangarsa indik kahanan kalih laksanakan jatma sane kaimbangang ring laksanan barang wiadin buron.
Sane ngranjing basita paribasa inggih punika:
1. Sesonggan (Pepatah)
2. Sesenggakan (Ibarat)
3. Wewangsalan (Tamsil)
4. Sloka (Bidal)
5. Bladbadan (Bidal)
6. Papindan (Perumpamaan)
7. Cecimpedan (Teka-teki)
8. Cecangkriman (Syair teka-teki)
9. Sesimbing (Sindiran)
10. Cecangkitan
11. Peparikan (pantun)
Ring paplajahan puniki sané jagi kabaosang inggih punika blabadan miwah peparikan.
1. Blabadan
Imba ring sajeroning lengkara:
1. Adin tiangé majempong bebék ulian tusing belianga jaja tekén i mémé. = ngambul.
2. Eda ja cai mataluh enyuh. = sombong.
Imba blabadan sane lian:
2. Peparikan
Imba:
Nasi anget mawadah piring, basa liu mawadah ingka
bilang inget makita ngeling, masa iluh nyajag téka
Blabadan mawiwit saking kruna lingga ‘babad’, artinipun tutur jati sané sampun kalampahang riin. Babad taler marti abas. ‘Babad’ polih seselan ‘el’ = belabad = blabad, polih pangiring -an = blabadan, raris kadwipurwayang dados ‘beblabadan’ artinipun kruna bebasan, kanggen papiringan, saha madué purwakanti (bersajak).
Blabdangan kawangun antuk lengkara utawi kruna tigang palet. Kruna sané pinih riin apalet dados ‘giing’ (bantang), kruna sané kaping kalih apalet pinaka arti sujati (bebasanipun), sakadi sampiran sané ngwangun purwakanti (sajak), kruna sané kaping tiga pinaka arti paribasa wiadin suksmanipun, umpami:
|
Giing
(bantang) |
Arti
sujati (bebasanipun) |
Arti
paribasa (suksmanipun) |
|
Majempong
Bebek |
Jambul |
Ngambul |
|
Giing
(bantang) |
Arti sujati
(bebasanipun) |
Arti paribasa
(suksmanipun) |
|
Mataluh
enyuh |
Tombong |
Sombong |
Imba ring sajeroning lengkara:
1. Adin tiangé majempong bebék ulian tusing belianga jaja tekén i mémé. = ngambul.
2. Eda ja cai mataluh enyuh. = sombong.
Imba blabadan sane lian:
|
Giing
(bantang) |
Arti
Sujati (bebasanipun) |
Arti
Paribasa (suksmanipun) |
|
Mabuah jaka |
beluluk |
nguluk-uluk |
|
Mawayang gadang |
kresna |
tresna |
|
Makunyit di Alas |
temu |
matemu |
|
Majeron déwa |
pura |
ampura |
|
Macarang nyuh |
papah |
ngepah |
|
Mabawang putih |
kesuna |
pisuna |
|
Madon jaka |
ron |
makaronan |
|
Matekep botol |
sengseng |
nyrengseng |
2. Peparikan
Paparikan punika pateh sakadi wewangsalan, sakéwanten binanipun wewangsalan punika wantah kalih palet (carik), yéning paparikan kawangun antuk petang palet (empat baris). Paparikan pateh sakadi pantun. Paparikan kruna linganipun ‘parik’ artosné awi (karang), polih pangiring -an, dados ‘parikan’, kadwipurwayang dados ‘peparikan’, artinipun awi-awian utawi reragragan.
Paparikan kawangun antuk petang carik. Lengkara sané riinan kalih carik pinaka ‘sampiran’, lengkara pungkurné kalih carik pinaka arti sujati. Peparikan mapurwakanti utawi bersajak (a-b, a-b).
Nasi anget mawadah piring, basa liu mawadah ingka
bilang inget makita ngeling, masa iluh nyajag téka
|
Nasi anget mawadah piring |
sampiran |
|
Basa liu mawadah ingka |
sampiran |
|
Bilang inget makita ngeling |
isi |
|
Masa iluh nyajag téka |
isi |
Imba sané lian:
3. Gumi jani masan pandemi, himbauan Pemerintah nyandang gugu
ngiring astiti Ida Hyang Widhi, apang sami mangguh rahayu.
4. Meli papah tabia lalah, Kapah-kapah meli durén
Ngoyong jumah seleg melajah, eda tuah malali dogén.
C. Latihan 1
Rereh arti paribasa ring sor puniki!
|
Nomer |
Giing
(bantang) |
Arti
Paribasa (suksmanipun) |
|
1. |
Mawayang gadang |
………………… |
|
2. |
Mabuah jaka |
………………… |
|
3. |
Makunyit di alas |
………………… |
|
4. |
Madamar langit |
………………… |
|
5. |
Macarang nyuh |
………………… |
|
6. |
Majeron déwa |
………………… |
|
7. |
Mabawang putih |
………………… |
|
8. |
Matekep botol |
………………… |
|
9. |
Madon jaka |
………………… |
|
10. |
Mataluh nyuh |
………………… |
1. Tonton lagu pop Bali sané mamurda:
a. “Matekep Botol” (link: https://www.youtube.com/watch?v=U_NTaBemGQE)
b. “Ubad Rindu” (link: https://www.youtube.com/watch?v=QCMXerhq5Q0).
2 Indayang selehin (identifikasi) basita paribasa sané wénten ring lagu pop Bali punika saha surat lengkarané (kalimatnya). Yéning madaging blabadan mangda dagingin arti sujati miwah arti paribasané.
a. Basita paribasa sané wénten ring lagu “Matekep Botol” ingih punika ….
b. Basita paribasa sané wénten ring lagu “Ubad Rindu” inggih punika ….
Tidak ada komentar:
Posting Komentar